Լաս Վեգասում հրաձգությունից հետո հիվանդանոց է դիմել ավելի քան 400 մարդ, հայտնում են ոստիկանությունից, փոխանցում է «ՌԻԱ Նովոստի»–ն։
«Քլարք շրջանի հրշեջ ծառայության գնահատականներով՝ հրաձգությունից հետո կիրակի երեկոյան տեղի հիվանդանոցներ են դիմել մոտ 406 մարդ, զոհվել է 50-ը»,– ասված է Լաս Վեգասի ոստիկանության Twitter–ի էջում։
Զոհվածների թվում կա ոստիկանության մեկ աշխատակից, որն այդ ժամանակ հերթապահություն էր իրականացնում։ Վիրավորվել է եւս 2 ոստիկան։
Ավելի վաղ հաղորդվում էր, որ Լաս Վեգասում հրաձգության զոհերի թիվը հասել է 50–ի, կա ավելի քան 200 վիրավոր։
Հրաձգությունը տեղի է ունեցել Route 91 քանթրի փառատոնի ժամանակ։ Հրաձիգը սպանվել է։ Նրա ինքնությունը պարզվել է՝ 64–ամյա ոմն Սթիվեն Փեդոք։ Սա ԱՄՆ–ում զոհերի թվով խոշորագույն զինված հարձակումն է։
