Մերձավոր Արեւելքի ոչ մի հակամարտություն ռազմական ճանապարհով չպետք է լուծվի: Այս մասին հայտարարել է Իրանի արտաքին գործերի նախարար Մուհամմադ Ջավադ Զարիֆը Կատարի էմիր, շեյխ Թամիմ բին Համադ ալ Թանիի հետ հանդիպման ժամանակ, հաղորդում է Tasnim- ը:
Նա կոչ է արել տարածաշրջանի երկրներին կապ հաստատել, որպեսզի բանակցությունների միջոցով լուծում գտնեն եւ նախապատվությունը տան խաղաղության հաստատման եւ անվտանգության տարածաշրջանային նախաձեռնություններին:
«Իրանը ցանկանում է լավ հարաբերություններ ունենալ իր բոլոր հարեւանների հետ եւ հավատում է, որ բոլոր կողմերը պետք է նախապատվությունը տան հավաքական կայունության եւ անվտանգության տարածաշրջանային նախաձեռնություններին»,-ասել է Զարիֆը:
Նշելով տարածաշրջանում ռազմական հակամարտությունների աղետալի հետեւանքները՝ Զարիֆն ասել է, որ ճգնաժամերը ռազմական լուծում չունեն, եւ բոլոր կողմերը պետք է լուծում գտնեն բանակցությունների միջոցով:
Խոսելով Կատարի հետ երկկողմ հարաբերությունների մասին՝ Զարիֆը հույս է հայտնել հարաբերությունների խորացման, մասնավոր հատվածի միջեւ սերտ համագործակցության, առեւտրատնտեսական համագործակցության ամրապնդման վերաբերյալ:
Կատարի էմիրը ողջունել է ճգնաժամների խաղաղ լուծման մասին Իրանի դիրքորոշումը: Նրա խոսքով՝ տարածաշրջանի երկրների հետ խորհրդատվությունը, այդ թվում Իրանի, անխուսափելի է:
