News
Լրահոս
News
Երկուշաբթի
Հոկտեմբեր 23
Տեսնել լրահոսը

Հռոմից Հայաստան եկած իտալացի գործարարը Կապանում կիսաֆաբրիկատ պիցցայի արտադրությամբ կզբաղվի: Նիկոլա Դի Մաուրոյի խոսքով, կիսաֆաբրիկատ պիցցայի արտադրության գործարանը ի սկզբանե պետք է բացվեր Երեւանում, սակայն, քննարկումների արդյունքում որոշվել է այն  Կապանում կառուցել:

«Ես Հռոմից Հայաստան եմ եկել մեկ տարի առաջ, մասնագիտությամբ ավագ խոհարար եմ,  Իտալիայի Հանրապետությունում եւ Ռուսաստանի Դաշնությունում ունեմ մի շարք ռեստորաններ: Վերջին մեկ տարվա ընթացքում ես Սյունիքում աշխատել եմ նոր ծրագրի վրա, որն է` հատուկ պայմաններում ստեղծել սառեցված կիսաֆաբրիկատ պիցցայի արտադրություն», - ասաց իտալացի գործարարը:

Նիկոլա Դի Մաուրոյիի խոսքով` նախատեսվում է գործարանում 1 ամսվա ընթացքում արտադրել մոտ 250.000 պիցցա. պիցցայի արտադրության ավտոմատացումը հնարավորինս նվազեցված է, որպեսզի ավելի շատ աշխատատեղ ստեղծվի. «Գործարանում նվազագույն աշխատատեղերի քանակը 1 գծային արտադրամասում կլինի 50 աշխատող, իսկ առավելագույն աշխատատեղերի քանակը 3 գծային արտադրամասում՝ 150  կլինեն: Մեր չափորոշիչն է ոչ միայն ապահովել սննդի բարձր որակ, այլեւ ստեղծել այնպիսի պայմաններ, որպեսզի աշխատողներն աշխատեն որակյալ պայմաններում: Գործարանում աշխատելու են որակավորված մասնագետներ»:

Նրա խոսքով, գործարանը պատրաստվել է միջազգային ստանդարտներին համապատասխան՝ ամենաբարձր սարքավորումներով: Արտադրամասի տեխնիկան ամբողջովին իտալական է, որը կապահովի ամենաբարձր արդյունքը, սննդի մշակումը նույնպես կլինի բարձր որակով: Նա նշեց, որ արտադրանքն արտահանվելու է Եվրասիական շուկա՝ Ռուսաստան եւ Իրանի մի մասը:

«Կիսաֆաբրիկատ պիցցան պատրաստվելու է իտալական ձեւով, սակայն բացառապես տեղական մթերքով: Փորձելու ենք մթերքը ձեռք բերել Սյունիքի մարզի հարակից տարածքներից, ինչը կնպաստի ընկերության ֆինանսական տնտեսմանը: Ես որոշեցի այս ծրագիրը Սյունիքում իրականացնել` հաշվի առնելով տեղական իշխանությունների պատրաստակամությունը եւ տեղացիների նկատմամբ նրանց ուշադրությունը: Մարզի ղեկավարությունը փորձում է տեղի բոլոր խնդիրներին լուծում տալ, ինչն արտերկրի բիզնեսի համար շատ կարեւոր գործոն է», -ասաց նա:

!
Այս նյութը հասանելի է նաև   English and Türkçe
Տպել
Կարդացեք նաև
Ամբողջ
Իգնատի Առաքելյան․ Գյուղատնտեսության մեջ նոր ներդրումներն արդեն հասել են 50 միլիոն դոլարի
Նրա խոսքով՝ այդ ներդրումները ուղղվել են ինտենսիվ այգիների տնկմանը…
Սյունիքը ՀՀ կառավարություն է ներկայացրել 12.2 միլիարդ դրամի ներդրումային ծրագիր
Ծրագրերից մեկը վերաբերում է սառնարանային տնտեսությանը...
Մենք խրախուսում ենք, որ հայ ընտանիքները զբաղվեն սպորտով, ավելի շատ շարժվեն․ Սվիտալսկի (ֆոտո)
Մենք՝ որպես ԵՄ, ուզում ենք, որ Հայաստանը զարգանա, եւ ավելի մեծ թվով գոլֆիստներ գան․․․
Կապանցի երիտասարդները հնարավորություն կունենան ֆիլմ դիտելու. Կապանում շուտով կինոթատրոն կբացվի (ֆոտո)
Ներկայումս իրականցվում են կառուցման աշխատանքները...
Կապանում կբացվի իտալական պիցցայի գործարան. Կստեղծվի 30-100 աշխատատեղ
Նախատեսվում է ապագայում եւս մեկ գործարան կառուցել…
Օտարերկրյա ներդրողները ցանկանում են մուտք գործել «Մեղրի» ազատ տնտեսական գոտի. ՏԶՆ նախարարություն
Սուրեն Կարայանը գործարարների խնդրանքով ներկայացրել է «Մեղրի» ազատ տնտեսական գոտում բացվող հնարավորությունները բիզնեսի համար...
Ամենաշատ
Partner news