ԱՊՀ երկրների ղեկավարները կարծիքներ կփոխանակեն Համագործակցության արդյունավետության բարձրացման համար անհրաժեշտ քայլերի իրականացման վերաբերյալ, քանի որ երկրները հնարավորություն ունեն նոր փոխշահավետ նախագծեր գործարկել։ ԱՊՀ երկրների ղեկավարների խորհրդի նիստում այս մասին հայտնել է Ռուսաստանի նախագահ Վլադիմիր Պուտինը, հաղորդում է «ՌԻԱ Նովոստին»։
«Գագաթնաժողովի օրակարգը շատ հագեցած է։ Մենք կանդրադառնանք ԱՊՀ-ում փոխգործակցության ամրապնդման հետագա ուղիներին, կփոխանակենք կարծիքներ այն մասին, թե ինչ է անհրաժեշտ ձեռնարկել համագործակցության եւ նրա կառուցվածքի արդյունավետության բարձրացման համար: Հատուկ ուշադրություն է դարձվելու տնտեսական թեմային, կքննարկենք այն քայլերը, որոնք ուղղված են առեւտրի եւ ներդրումային կապերի խորացմանը եւ ապրանքների ու ծառայությունների տեղափոխման խոչընդոտների վերացմանը: Մենք ունենք հնարավորություն, նոր, մեծ, փոխշահավետ գործարար նախագծեր սկսելու համար»,– ասել է նա։
