Մեծ Բրիտանիայի քաղաքացի Սալլի Ջոնսը, որն «Իսլամական պետություն» ահաբեկչական խմբավորման հայտնի հավաքագրող է, հունիսին Սիրիայում անօդաչուի հարվածից սպանվել է, հայտնում է BBC–ն։
Ջոնսը, որը նախքան այդ ոչ մի ռազմական պատրաստություն չէր անցել, ԻՊ–ին էր միացել 2013 թվականին Սիրիա այցելելուց հետո։ Նա արեւմտյան երկրներից աղջիկներ էր հավաքագրում ԻՊ շարքերը համալրելու համար։
Թվիթերում նա պատմում էր, թե ինչպես պետք է հասնել Սիրիա։ Ջոնսն ամուսնացել էր «կիբերջիհադական» ցանցահեն Ջունեյդ Հուսեյնի հետ, որը 2015–ին անօդաչուի հարվածից սպանվել էր։
