Իսրայելը ՅՈՒՆԵՍԿՕ-ից ԱՄՆ-ի դուրս գալը համարում է «շրջադարձային պահ»: Այդ մասին հայտարարել է ՄԱԿ-ում Իսրայելի մշտական ներկայացուցիչ Դեննի Դանոնը, փոխանցում է AP-ն:
Նրա խոսքով՝ հիմա ՅՈՒՆԵՍԿՕ-ն հասկանում է, որ «աբսուրդ եւ ամոթալի բանաձեւերը Իսրայելի դեմ հետեւանքներ ունեն»: «Այսօր նոր օր է ՄԱԿ-ում, որտեղ ստիպված պետք է վճարել Իսրայելի դեմ հարաբերություններում խտրականության համար»:
Նա նշել է, որ ԱՄՆ-ը պաշտպանում են Իսրայելին, եւ ՄԱԿ-ում փոփոխությունների իրական առաջնորդն են: «Մեր երկու երկրների միջեւ դաշնակցությունը ավելի ուժեղ է, քան երբեւէ. ՅՈՒՆԵՍԿՕ-ն Իսրայելին հարվածելու դաշտ էր դարձել եւ անտեսում էր իր իսկական դերն ու նպատակը», - ասել է նա: