Ռուսաստանի արտաքին գործերի նախարար Սերգեյ Լավրովը եւ ԱՄՆ պետքարտուղար Ռեքս Թիլերսոնը հեռախոսազրույցի ժամանակ քննարկել են Իրանի միջուկային ծրագրի հարցով Գործողությունների համատեղ համապարփակ ծրագիրի շուրջ ստեղծված իրավիճակը:
ՌԴ ԱԳՆ մամուլի ծառայությունը հայտնում է, որ Սերգեյ Լավրովը ուշադրություն է հրավիրել այն հանգամանքին, որ Թեհրանը կատարում է ԳՀՀԾ-ի իր բոլոր պարտավորությունները եւ ընդգծել է, որ մյուս համահեղինակները եւս հետեւեն Թեհրանի օրինակին:
Կորեական թերակղզու իրավիճակի վերաբերյալ կարծիքների փոխանակման ժամանակ Լավրովը եւս մեկ անգամ կոչ է արել աճող լարվածության դեմ պայքարին եւ քաղաքական երկխոսության համար պայմաններ ստեղծելուն:
Լավրովը նշել է ԱՄՆ իշխանությունների գործողությունների անթույլատրելիությունը: ԱՄՆ-ն նախկինում իր գրաված դիվանագիտական օբյեկտներից հանել էր ռուսական ազգային դրոշները: Լավրովը նշել է, որ Մոսկվան նպատակ ունի հայց ներկայացնել դատարան ապօրինաբար յուրացված ռուսական ունեցվածքը վերադարձնելու համար:
Նա ընդգծել է, որ «ամերիկյան պաշտոնյաների շարունակական կամայականությունը ուղղակիորեն հակասում է Վաշինգթոնի բարձր մակարդակով հնչած հայտարարություններին, որոնք վերաբերում են աննախադեպ ցածր մակարդակի վրա գտնվող երկկողմ հարաբերությունների կարգավորմանը»: