«Ժամանակ» թերթը գրում է. «Նոյեմբերին Բրյուսելում կայանալիք ԵՄ Արեւելյան գործընկերության գագաթնաժողովից գրեթե մեկ ամիս առաջ Եվրահանձնաժողովը հրապարակել է Հայաստանի հետ համապարփակ եւ ընդլայնված գործընկերության համաձայնագրի տեքստը, որը, ըստ նախնական պայմանավորվածության, պետք է ստորագրվի նոյեմբերի վերջին կայանալիք գագաթնաժողովում:
Սա անսպասելի քայլ էր ԵՀ-ի կողմից, եթե նկատի ուենանք, որ նման տեքստերը հրապարակվում են միայն ստորագրելուց հետո: Որոշ տեղեկությունների համաձայն՝ թեեւ փաստաթուղթը նախաստորագրված է, այնուամենայնիվ, մինչ այս պահը հստակ չէ՝ արդյո՞ք Երեւանը կստորագրի այն, թե՞ ոչ:
Չի բացառվում, որ Երեւանի եւ Բրյուսելի միջեւ ձեռք բերվի փաստաթուղթը չստորագրելու տեխնիկական մի պատճառ: Օրինակ՝ եթե փաստաթուղթը չստորագրվի, դրա պատասխանատվությունը դրվելու է ԵՄ առանձին երկրների վրա, որոնք մինչեւ գագաթնաժողովի մեկնարկը չեն հասցնի վավերացնել համաձայնագիրը, առանց որի այն չի կարող ներկայացվել ստորագրման»:
Առավել մանրամասն՝ թերթի այսօրվա համարում
