Airbus ընկերությունը մտադիր է քաղաքի փողոցներում խցանումներին արմատական լուծում տալ: Այս մասին հաղորդում է Cnet-ը:

Airbus A3 ինքնավար հըամակարգերի բաժնի գլխավոր ինժեներԱռնե Ստոշեկը Սան Խոսեում NVIDIA տեխնոլոգիական համաժողովին ելույթի ժամանակ ասել է, որ Airbus-ը մտադիր է քաղաքի փողոցներում խցանումներին արմատական լուծում տալ՝ ստեծելով Vahana ինքնավար աերոտաքսիներ:

«Մենք չենք կարող մեզ թույլ չտալ օգտագործել երրորդ հարթությունը», - ասել է նա:

Նրա խոսքով՝ տարեվերջում Vahana-ի խումբը լայնամասշտաբ փորձարկում կիրականացնի: Նա կարծում է, որ 2020-ին ինքնավար տաքսիի ապարատի եւ ծրագրային ապահովումն այնքան կկատարելագործվի, որ թույլ կտան Vahana-ին թռիչքներ իրականացնել: