Եթե Կատալոնիան հայտարարի Իսպանիայից իր անկախության մասին, Եվրամիությունում ոչ ոք չի ճանաչի նրան որպես ինքնիշխան պետություն: Այս մասին հայտարարել է Եվրախորհրդարանի ղեկավար Անտոնիո Տայանին, հաղորդում է AP-ն:
Նա նշել է, որ մտադիր չէ հանդիպել Կատալոնիայի նախագահ Կառլես Պուչդեմոնի հետ կամ միջնորդ դառնալ: Տայանին Մադրիդի եւ Կատալոնիայի միջեւ տարաձայնությունները «Իսպանիայի ներքին գործ» է անվանել: Տայանին նշել է, որ այս հարցում Իսպանիայի կառավարությանը համարում է միակ «օրինական» ներկայացուցիչ:
