Արմավիրի մարզում, այսօր՝ հոկտեմբերի 20-ին, խոշոր ավտովթար է տեղի ունեցել. ժամը 08։30-ի սահմաններում Երեւան-Արմավիր ավտոճանապարհի Պտղունք գյուղի վարչական տարածքում բախվել են Hyundai մակնիշի 10 CR 010 համարանիշի, Volkswagen մակնիշի 34 MF 260 համարանիշի եւ Nissan March մակնիշի 21 XX 021 համարանիշի ավտոմեքենաները։
Shamshyan.com-ի փոխանցմամբ, վթարի հետեւանքով Hyundai-ի եւ Volkswagen-ի վարորդները մարմնական վնասվածքներով տեղափոխվել են Վաղարշապատի բժշկական կենտրոն։
Բախման հետեւանքով Volkswagen-ը դուրս է եկել հանդիպակաց երթեւեկելի գոտի, անցել բաժանարար գոտու վրայով, տապալել էլեկտրասյունն ու հայտնվել բնակելի տան դիմաց լցված ավազի վրա։ Տեղում Nissan March-ի վարորդը ենթարկվել է փորձաքննության, պարզվեց, որ նա գտնվում է սթափ վիճակում։
Ոստիկանությունը պարզում է վարորդների ինքնությունը։