Գիտնականները կանխատեսում են 2058 թվականին աշխարհի «հերթական» վերջը: Ամերիկացի մասնագետների խոսքով՝ 41 տարի հետո մեր մոլորակին կարող է աշխարհի վերջը սպառնալ, որը կապված կլինի Կրուիտնի խոշոր աստերոիդի հետ: Այս օբյեկտը հաճախ անվանում են մոլորակի քվազի արբանյակ, փոխանցում է Innov պորտալը:
Մասնագետների խոսքով՝ Կրուիտնին շարժվում է Երկրի հետ մեկը մեկին ուղեծրային ռեզոնանսով՝ այս ընթացքում հատելով Վեներայի եւ Մարսի ուղեծրերը: Շատ գիտնականներ ասում են, որ առաջիկա հարյուրամյակում աստերոիդը չպետք է փլուզվի Երկրի վրա, սակայն նրա ուղեծիրը բավականին անկայուն է մնում, որն այլ կարծիք է առաջացնում:
Դրանից զատ, այս օբյեկտը միանգամայն կարող է ներգործել ավելի մանր տիեզերական քարերի ուղեծրի վրա եւ 2058 թվականին հրահրել մեր մոլորակի զանգվածային ռմբահարում: Ըստ որում՝ մասնագետները նշում են, որ բարձրակետը կգրանցվի 2058 թվականի ամռանը:
Մասնագետների ենթադրությամբ՝ եթե Կրուիտնիին, այնուամենայնիվ, հաջողվի ինքնուրույն Երկրին հասնել, ապա դա կարող է ավարտվել կենդանի ամեն ինչի 80 տոկոսի կործանմամբ:
Դրա հետ մեկտեղ մասնագետները նշում են, որ այս օբյեկտը կարող է օվկիանոս ընկնել եւ ցունամիներ առաջացնել, իսկ բարձրացած փոշին մի քանի շաբաթ արեգակը կմթագնի: