ԱՄՆ իշխանությունները Թուրքիայի արդարադատության նախարարության պատվիրակությանը մերժել է վիզաներ տրամադրել, հաղորդում է Reuters-ը՝ վկայակոչելով CNN Turk-ին:
Երկրների միջեւ վիզային ճգնաժամի վերաբերյալ բանակցությունների նպատակով պատվիրակությունը պետք է այս ամսվա վերջում ժամաներ:
Հիշեցնենք, որ Ստամբուլում ԱՄՆ հյուպատոսարանի աշխատակիցների ձերբակալությունից հետո, ԱՄՆ դեսպանատունը դադարեցրել էր մուտքի վիզաների տրամադրումը: Աշխատակիցները մեղադրվում են անցյալ ամռանը հեղաշրջման փորձի կազմակերպիչների հետ կապ ունենալու համար:
Թուրքիայի դեսպանատունը որոշել էր նմանապես պատասխանել եւ կասեցրել էր մուտքի վիզաների տրամադրումը:
