Դաշնային խորհուրդը նախագահական ընտրությունների օրը կորոշի մինչեւ դեկտեմբերի 15-ը: Այս մասին հոկտեմբերի 25-ին հայտարարել է Դաշնային խորհրդի խոսնակ Վալենտինա Մատվիենկոն, փոխանցում է ՏԱՍՍ-ը:
«Մենք դեկտեմբերի 8-ի եւ 15-ի միջեւ ժամանակի միջակայք ունենք: Հենց այս ժամանակ էլ ընտրությունների օրվա մասին որոշում կընդունվի,- ասել է Մատվիենկոն: - Ըստ օրենքի՝ ընտրությունների անցկացումը նախատեսված է մարտին, այս պատճառով էլ ժամանակի այսպիսի ուշացում ունենք»:
Նա պարզաբանել է, որ խորհրդարանականներն առաջնորդվում են օրենքով: «Ընտրությունների անցկացման ամսաթվի որոշումը Դաշնային խորհրդի իրավասությունն է: Օրենքի համաձայն՝ մենք պետք է որոշում ընդունենք ոչ ուշ, քան ընտրություններից 90 օր առաջ, եւ ոչ շուտ, քան 100 օր առաջ»,- նշել է նա:
