Աղբյուրները հայտնում են, որ ՌԴ նախագահի պաշտոնում առաջադրվելու մտադրություն հայտնած Քսենյա Սոբչակը մտադիր է փոխել ազգանունը, հայտնում է «Դոժդ»–ը։
Աղբյուրների փոխանցմամբ՝ խոսքը կրկնակի ազգանվան մասին է, այսինքն՝ քվեաթերթիկներում կարող է հայտնվել «Քսենիա Սոբչակ-Բոլորին դեմ»։ Սոբչակի մյուս ծանոթները հայտնել են, որ նա մտադիր է ամբողջովին փոխել ազգանունը «Բոլորին դեմ»։
«Հիանալի գաղափար է, ես առաջին անգամ եմ լսում այդ մասին»,– մեկնաբանել է Սոբչակի նախընտրական շտաբի պետ Քսենյա Չուդինովան։
Հաղորդավարուհին ինքն ասում էր, որ ցանկանում է, որ ընտրողներն իր թեկնածությունն ընկալեն որպես «բոլորին դեմ» տարբերակ։
Ընդ որում, գործող օրենքի համաձայն՝ քվեաթերթիկներում նշվելու է նրա ներկայիս անունն ու ազգանունը, քանի որ տվյալները փոխելուց հետո ընտրությունների օրվանից առաջ մեկ տարվա ընթացքում քվեաթերթիկներում թեկնածուի նախկին անունն է գրվում։
