Սաուդյան Արաբիան մտադիր է 1 մլրդ դոլար ներդնել ընկերությունների խմբում, որոնք մտնում են Virgin Group-ում (հիմնադիրը միլիարդատեր Ռիչարդ Բրենսոնն է): Նեդրումները կվերաբերեն 3 ընկերությունների՝ Virgin Galactic-ին, The Spaceship Company-ին եւ Virgin Orbit-ին, հայտնում է «Կոմերսանտը»:
Հնարավոր է նաեւ 480 մլն դոլարի լրացուցիչ ներդրում: «Այս գործընկերությունն արտացոլում է թագավորության ձգտումը գիտական հիմքի վրա տնտեսության բազմակողմանի զարգացման հարցում»,- նշված է սաուդյան իշխանությունների հայտարարության մեջ:
Ավելի վաղ հաղորդվել էր, որ հնարավոր է՝ Բրենսոնը դառնա առաջինը, որը տիեզերք կուղարկի զբոսաշրջիկների: Virgin Galactic ընկերությունը հաջողությամբ իրականացրել է ենթաուղեծրային SpaceShipTwo տիեզերանավի առանցքային փորձարկումը: Բրենսոնը խոստացել է, որ առաջին զբոսաշրջիկները տիեզերք կուղարկվեն արդեն հաջորդ տարի: