ՌԴ նախագահի մամուլի քարտուղար Դմիտրի Պեսկովը, մեկնաբանելով լրագրող եւ իրավապաշտպան Եկատերինա Գորդոնի՝ նախագահի թեկնածու դառնալու ծրագրերի մասին հայտարարությունը, նշել է, որ Սահմանադրության համաձայն, երկրի ղեկավարի պաշտոնի համար ընտրությունների մասնակցության վերաբերյալ պայմանների մեջ քաղաքական գործունեության մասին դրույթներ չկան, հաղորդում է «ՌԻԱ Նովոստի»-ն:
«ՌԴ Սահմանադրության մեջ ընտրություններին մասնակցելու հնարավորությունը որոշվում է մի շարք պայմաններով, որոնց թվում քաղաքականության գործունեության կամ քաղաքականությամբ չզբաղվելու վերաբերյալ դրույթներ չկան», - ասել է Պեսկովը:
Ավելի վաղ Գորդոնը հայտարարել էր, որ ցանկանում է առաջադրվել նախագահական ընտրություններում: Նրա խոսքով՝ իր ծրագիրը կենտրոնանալու է կանանց եւ երեխաների իրավունքների պաշտպանության վրա, որոնց պաշտպանությամբ վերջին տարիներին ինքը զբաղվում է:
