ՌԴ Ազգային ծնողական կոմիտեի նախագահ Իրինա Վոլինեցը հայտնել է նախագահական ընտրություններին իր թեկնածությունն առաջադրելու մտադրության մասին, հայտնում է RT-ը։
Վոլինեցի խոսքով՝ ինքը մասնակցելու է ոչ խորհրդարանական կուսակցությունների «Երրորդ ուժ» նախագծի փրայմերիզին։ Քվեարկության ավարտին կընտրվեն 3 թեկնածուներ, որոնք նախագահի պաշտոնում կառաջադրվեն ոչ խորհրդարանակն կուսակցությունների անունից։ Նրա խոսքով՝ ինքնառաջադրվածներն ավելի շատ ստորագրություններ պետք է հավաքեն, ուստի ինքը որոշել է առաջադրվել կուսակցությունից, որպեսզի հեշտացնի այդ գործընթացը։
Ավելի վաղ ՌԴ նախագահի պաշտոնում առաջադրվելու մտադրություն էին հայտնել լրագրող եւ իրավապաշտպան Եկատերինա Գորդոն եւ Քսենյա Սոբչակը։