Հոկտեմբերի 30-ին Արմավիրի սահմանապահ ջոկատի զինծառայողները Արաքս գետի ափին, պետական սահմանի անմիջական մերձակայքում հայտնաբերել են ոչխարի դմակով 40-ից ավելի պոլիէթիլենե փաթեթ:
Հայաստանի Հանրապետությունում Ռուսաստանի ԱԴԾ սահմանապահ վարչության մամուլի ծառայությունից հայտնում են, որ հայտնաբերված «ապրանքի» ընդհանուր քաշը կազմում է 1700 կգ-ից ավելի:
Դեպքի վայրի զննությամբ թփերի մեջ հայտնաբերվել է նոր ռետինե մակույկ եւ կապրոնե պարան:
Նախնական տեղեկություններով՝ անհայտ անձինք ծրագրել էին «ապրանքի» մաքսանենգ անցկացում սահմանով: Դեպքի վայր են հրավիրվել Հայաստանի ԱԱԾ աշխատակիցները: Ներկայումս իրավասու մարմինները համալիր միջոցառումներ են անցկացնում պարզելու իրավախախտման հետ կապ ունեցող անձանց:
