Հեռուստահաղորդավարուհի Քսենիա Սոբչակը, որն ավելի վաղ հայտարարել էր 2018 թվականի նախագահական ընտրութւուններում առաջադրվելու մասին, ասել է, որ միակ բանը, որն իրեն կապում է ՌԴ նախագահ Վլադիմիր Պուտինի հետ, այն է, որ երկրի նախագահը աշխատել է իր հոր՝ Անատոլի Սոբչակի հետ, երբ նա 10 տարեկան էր, հաղորդում է BBC ռուսական ծառայությունը:
«Ես արդեն այդ թեմայով ամեն ինչ ասել եմ: Ընկերներ, եկեք նույն բանը 148 անգամ չքննարկենք: Ես հանդիպումներ չեմ ունենում նախագահ Պուտինի հետ: Այս ամբողջ ընթացքում ես միայն մեկ անգամ եմ նրա հետ հանդիպել՝ ֆիլմի հետ կապված: Ես ի դեպ ֆիլմի համար նաեւ Մեդվեդեւի հետ եմ հանդիպել եւ այլ մարդկանց հետ, ովքեր մեծ քաղաքական կարիերան են ստեղծել, իսկ մինչ այդ աշխատել են իմ հոր հետ: Իմ միակ կապը Պուտինի հետ այն է, որ երբ ես տասը տարեկան էի եւ խաղում էի Nintendo եւ Super Mario, նա աշխատում էր իմ հոր հետ »,- ասել է Սոբչակը:
Ռուսաստանի նախագահական ընտրությունները կանցկացվեն 2018 թվականի մարտին:
