2017 թվականին Հայաստանը սկսել է ավելի շատ ներմուծել, սակայն առավելապես՝ ազգային արդյունաբերության համար հումք եւ սարքավորումներ: Նոյեմբերի 2-ին մամուլի ասուլիսի ժամանակ այս մասին ասաց վարչապետ Կարեն Կարապետյանը:
Նրա խոսքով՝ 2017-ի հունվար-հոկտեմբերին ներմուծումն աճել է 23,2 տոկոսով եւ հասել 2 մլրդ 820,8 մլն դոլարի: Սակայն ընդհանուր աճում 27,4 տոկոսը բաժին է ընկել կապիտալ ապրանքներին (սարքավորումներ), 22,1 տոկոսը՝ միջանկյալ (հումք): Արդեն հիմա նկատելի է արդյունաբերության ակտիվացումը. նշված ժամանակահատվածում արդյունաբերական արտադրանքի արտադրությունն աճել է 11,9 տոկոսով: «Իսկ հետագայում կարելի է սպասել էլ ավելի լավ արդյունքների»,- հավաստիացրեց Կարապետյանը: