WikiLeaks-ի տրամադրության տակ են հայտնվել նյութեր, որոնք վկայում են Ադրբեջանում բրիտանական BP ընկերությունում  տեղի ունեցած խոշոր վթարի մասին։

Այնտեղ տեղի ունեցած վթարը եղել է գրեթե նույն չափի, ինչ որ Մեքսիակական ծոցում ապրիլին գրանցված վթարը։

Ինչպես հայտնում է Lenta.ru-ն՝ վկայակոչելով The Guardian-ը, Central Azeri պլատֆորմում վթարը տեղի է ունեցել 2008 թվականի սեպտեմբերին՝ գազի անսպասելի արտանետման պատճառով։ Սակայն, ի տարբերություն մեքսիկական Deepwater Horizon-ի՝ ադրբեջանական պլատֆորմից հնարավոր է եղել տարհանել բոլոր 212 աշխատակիցներին։ Աշխատակիցների՝ ժամանակին կատարված տարհանումն էլ ընկերության ղեկավարությանը թույլ է տվել լռել միջադեպի մասին։

WikiLeaks-ի փաստաթղթերում նաեւ հաղորդվում է, որ Ադրբեջանի նախագահը BP-ին մեղադրել է 10 մ լրդ դոլարի նավթ գողանալու մեջ։