News
Լրահոս
News
Երկուշաբթի
Օգոստոս 08
USD
405.95
EUR
413.66
RUB
6.73
Տեսնել լրահոսը

Սաուդյան Արաբիայի միլիոնատերերը եւ միլիարդատերերը հնարավորություններ են փնտրում իրենց դրամական միջոցները երկրից դուրս բերելու համար՝ կոռուպցիոն հետաքննության շրջանակում բացասական հետեւանքներից վախենալով, հայտնում է Bloomberg-ը՝ վկայակոչելով իրավիճակին ծանոթ աղբյուրներին:

Աղբյուրների փոխանցմամբ՝ երկրում ամենահարուստ մարդիկ բանակցություններ են վարում բանկերի, ակտիվների կառավարման մենեջերների եւ խորհրդատուների հետ Սաուդյան Արաբիայից եւ հարեւան երկրներից դրամական միջոցները եւ լիկվիդային ակտիվները դուրս բերելու նպատակով՝ վախենալով, որ դրանք կարող են սառեցվել: Դրանից բացի, նրանք մտահոգություն են հայտնում, որ կոռուպցիայի գործի շրջանակում երկրում նոր կալանավորումներ կլինեն: 

Կիրակի Սաուդյան Արաբիայի կոռուպցիայի դեմ պայքարի Բարձրագույն կոմիտեն ժառանգորդ արքայազն Մուհամմեդ բեն Սալմանի ղեկավարությամբ կարգադրել է ձերբակալել մոտ 40 ազդեցիկ անձանց, որոնց թվում են թագավորական ընտանիքի անդամներ, նախարարներ, զինվորականներ եւ ձեռնարկատերեր:

Երեքշաբթի ժառանգորդ արքայազնը երկրի զարգացման խորհրդի մեջ մտնող նախարարներին կարգադրել է հավաստիանալ, որ ազգային եւ միջազգային ընկերությունները, այդ թվում՝ նրանք, որոնք մասնակի կամ ամբողջությամբ պատկանում են այն մարդկանց, ում դեմ քննություն է անցկացվում, քննչական միջոցառումների հետեւանքով չեն տուժի:

Bloomberg-ը նաեւ հայտնում է, որ ըստ ոչ պաշտոնական տեղեկությունների՝ չորեքշաբթի երկրի Կենտրոնական բանկը բանկերին կարգադրել է սառեցնել տասնյակ մասնավոր անձանց հաշիվները, որոնց թվում կան նաեւ ձերբակալվածներ, որոնք դեռեւս չեն կալանավորվել, ըստ որում՝ սպառնալիքի տակ է ձերբակալվածների 33 մլրդ դոլարի մասնավոր կարողությունը:

Սաուդյան Արաբիայում ձերբակալվածների մասին տեղեկություններից հետո տարածաշրջանային ֆոնդային շուկաներում վաճառք է սկսվել: Գործակալության տեղեկություններով՝ չորեքշաբթի օրվա արդյունքներով՝ Պարսից ծոցի երկրների Համագործակցության խորհրդի մեջ մտնող երկրների բորսաներում անկումը կազմել է 17,6 մլրդ դոլար:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Սաուդյան Արաբիան հայտարարել է տասնյակ պետական նախարարությունների 207 աշխատակիցների ձերբակալման մասին
Ձերբակալվածների անունները չեն նշվում, եւ անհասկանալի է, թե երբ են կատարվել ձերբակալությունները․․․
Սաուդյան թագավորի ձերբակալված եղբայրը թագաժառանգ արքայազնին գահը հանձնելու դեմ է հանդես եկել
77-ամյա արքայազն Ահմեդը Երդմնակալության խորհրդի այն երեք անդամներից էր, որը բացահայտ իր առարկություններն է հայտնել այդ մասին թագավորին․․․
Սաուդյան արքայազն Ալվալիդ Բին Թալալը վերադարձել է բիզնես
Նա 266 մլն դոլարի ներդրում է արել Deezer երաժշտական ընկերությունում...
Սաուդյան Արաբիայի իշխանությունները շարունակում են միլիարդատերերին կալանավորված պահել
Նրանց խոշտանգում են, ծեծում եւ քնից զրկում…
Էր Ռիադի իշխանություններր հայտնել են հակակոռուպցիոն գործով ավելի քան 100 մլրդ դոլար առգրավել
Ներկայացված տարբեր ակտիվների տեսքով՝ ներառյալ անշարժ գույք, կոմերցիոն կազմակերպություններ, արժեթղթեր, դրամական միջոցներ եւ այլ ակտիվներ…
Սաուդյան Արաբիայում ազատ են արձակել կոռուպցիայի գործով բոլոր ձերբակալվածներին
Վերջինն ազատվածների թվում է Saudi Bunladin group ընկերության ղեկավար Բաքր բին Լադենը եւ նրա ընտանիքի մյուս անդամները, որոնք ձերբակալվել էին նոյեմբերին կոռուպցիայի դեմ պայքարի զանգվածային արշավի շրջանակներում․․․
Ամենաշատ
Ֆոտոռեպորտաժներ