Թաիլանդի հարավում գտնվող Կրաբի առողջարանային քաղաքի բնակիչները ականատես են եղել հինգմետրանոց արքայական կոբրայի եւ մեկուկես մետրանոց պիթոնի շուրջ երեք ժամ տեւած մենամարտին, որում հաղթել է օձերից ավելի մեծը:
Ականատեսներից մեկը տեսագրել է մարտի վերջին հատվածը, հաղորդում է UPI-ն:
Տեսագրության մեջ երեւում է, թե ինչպես է պիթոնը փաթաթվել կոբրայի գլխի շուրջ: Ականատեսների խոսքով, թունավոր օձին արդյունքում հաջողվել է խայթել մրցակցին, որից հետո նա սատկել է:
Օձ որսացող մասնագետները անշարժացրել են կոբրային, նրան վանդակի մեջ են դրել եւ բաց թողել վայրի բնություն։