ԱՄՆ Թենեսի նահանգում եկեղեցում տեղի ունեցող միջոցառման ժամանակ տղամարդը պատահաբար կրակել է իր եւ կնոջ վրա. միջոցառման ժամանակ քննակվում էր համայնքի պաշտպանության համար զենքի օգտագործման հարցը, փոխանցում է «ՌԻԱ Նովոստի»-ն:
«Կրակոց է եղել, դա ակտիվ հրաձգություն չէր, այլ պատահական կրակոց: Երկու տուժածներին տեղափոխել են հիվանդանոց»,- Facebook-քում հայտնել է Տելիկո Փլեյնս քաղաքի ոստիկանությունը:.
Միջադեպը տեղի է ունեցել Առաջին միավորված մեթոդական եկեղեցում, հայտնում է CNN-ն: Ծխականները զրուցում էին ինքնապաշտպանության եւ եկեղեցում զենքի մասին: Ուեյն Ռեյդը մյուս ծխականներին է ցույց տվել իր լիցքավորված ատրճանակը, իսկ հետո վերալիցքավորել է եւ պատյանի մեջ դրել: Այնուհետեւ նրան կրկին խնդրել են ատրճանակը ցույց տալ: Երբ 81-ամյա Ռեյդը հանել է զենքը, այն կրակել է:
Նոյեմբերի 5-ին Թեխասի Սազերլենդ Սփրինգսի բապտիստական եկեղեցում հրաձգության հետեւանքով 25 մարդ էր զոհվել, մոտ 20-ը վիրավորվել: Կիսաավտոմատ զենքից ծխականների վրա կրակել էր Դեւին Քելլին, ով ավտոմեքենայով հետապնդվելուց հետո տեղացու հետ փոխհրաձգության ժամանակ ինքնասպան էր եղել: