Իտալիայի իշխանությունները կրոնական ծայրահեղականության եւ իսլամիստների հետ շփումների կասկածանքով երկրից երկու մարոկանցու եւ մեկ Թունիսի քաղաքացու են արտաքսել, հաղորդում է ՌԻԱ Նովոստին:
Թունիսի քաղաքացին, որը մի քանի անգամ ձերբակալվել էր թմրամիջոցների վաճառքի համար, քննիչների ուշադրությունն է գրավել 2013-ին Սիրիայում ռազմական գործողություններին մասնակցելու կասկածանքով:
25 եւ 26 տարեկան երկու մարոկկացիները նույն շրջապատն են ունեցել եւ Facebook-ի միջոցով Սիրիայում պայքարող հայրենակիցների հետ կապի մեջ են գտնվել, ովքեր ծագումով իտալացի ծայրահեղական Մոնսեֆ էլ Մյախարի ջոկատում են կռվել: Վերջինս միջազգային ահաբեկչության համար 8 տարի պայմանական ազատազրկման է դատապարտվել: