ԱՄՆ ՌԾՈՒ օդանավը, որտեղ 11 մարդ կար, վթարի է ենթարկվել Խաղաղ օվկիանոսում, Օկինավա կղզու մոտ, ասվում է ԱՄՆ ՌԾՈՒ Յոթերորդ նավատորմի հրամանատարության հայտարարության մեջ, փոխանցում է ՌԻԱ Նովոստին։
«ԱՄՆ ՌԾՈՒ օդանավը՝ 11 ուղեւորներով ու անձնակազմի անդամներով, վթարի է ենթարկվել օվկիանոսում ՝ Օկինավա կղզուց հարավ արեւելք, այսօր մոտավորապես ժամը 14։45-ին»,- ասվում է հայտարարության մեջ։
Օդանավը վթարի է ենթարկվել երբ մոտենում էր «Ռոնալդ Ռեյգան» ավիակրին, որը գտնվում էր Ֆիլիպինյան ծովում։
Հիմա իրականացվում է փրկարարական գործողություն։ Ավիակրի բուժանձնակազմը փրկվածներին անհրաժեշտ օգնություն կցուցաբերի։ Վթարի պատճառների մասին չեն հայտնում։