Հաագայի միջազգային տրիբունալի կողմից 1992-1995 թվականներին ռազմական հակամարտության ընթացքում ռազմական հանցագործություններ կատարելու համար ցմահ ազատազրկման դատապարտված գեներալ Ռատկո Մլադիչը դատավճիռը կբողոքարկի: Այս մասին հայտարարել է գեներալի որդին՝ Դարկո Մլադիչը, փոխանցում է «ՌԻԱ Նովոստի»-ն:
«Բողոքարկում կներկայացնենք»,- ասել է նա Հաագայում կայացած մամուլի ասուլիսի ժամանակ:
Չորեքշաբթի Նախկին Հարավսլավիայի միջազգային տրիբունալը Մլադիչին մեղավոր է ճանաչել մեղադրանքի 11 կետից 10-ով, այդ թվում՝ 1995 թվականին Սրեբրենիցայում բոսնիացի մուսուլմանների ցեղասպանության մեջ եւ 1992-1995 թվականներին Բոսնիա եւ Հերցեգովինայում պատերազմի օրենքները կամ ավանդույթները խախտելու մեջ:
