Հայաստանի եւ ԵՄ-ի միջեւ շրջանակային համաձայնագրի ստորագրումը հայ-եվրոպական քաղաքական օրակարգում նոր էջ է բացում: Այս մասին դեկտեմբերի 5-ին ԱԺ-ում ասաց ԱԺ փոխխոսնակ, ՀՀԿ մամուլի խոսնակ Էդուարդ Շարմազանովը:
Նրա խոսքով՝ այս համաձայնագրի ստորագրումը Հայաստանում կնպաստի իստիտուցիոնալ բարեփոխումների արագ իրականացմանը: «Ավելին՝ այս համաձայնագրով Հայաստանը կարող է կամուրջ դառնալ մի կողմից Եվրամիության ու Եվրասիական տնտեսական միության միջեւ, մյուս կեղմից՝ Եվրամիության ու Իրանի», նշեց Շարմազանովը:
Միաժամանակ նա շեշտեց վերջերս Մինսկում անցկացված ՀԱՊԿ նստաշրջանի կարեւորությունը, քանի որ Հայաստանը հերթական անգամ հասատատեց այս Կազմակերպության շրջանակում հարաբերությունները խորացնելու իր ցանկությունը: «ՀԱՊԿ-ն այլընտրանք չունի ե՛ւ որպես քաղաքական կազմակերպություն, ե՛ւ որպես անվտանգության գործիք»,- եզրափակեց Շարմազանովը:
