Եվրամիությունը (ԵՄ) Բրիտանական կառավարությանը մինչեւ այս շաբաթվա վերջ ժամանակ է տվել, որպեսզի 2019-ին նախատեսված Եվրամիություից դուրս գալու վերաբերյալ առաջին փոխզիջումային համաձայնագրերին հասնի:
Այս մասին հինգշաբթի՝ դեկտեմբերի 7-ին, հայտարարել է Եվրոպական հանձնաժողովի (ԵՀ) պաշտոնական ներկայացուցիչը, հաղորդում է DW-ն:
«Մեր աշխատանքային շաբաթը ներառում է նաեւ կիրակին, եւ մենք պատրաստ ենք ցանկացած պահի վարչապետ Թերեզա Մեյին ընդունել, երբ բրիտանական կողմը պատրաստ կլինի», - ասել է նա:
Լուրերն այն մասին, որ փոխզիջման հասնելու վերջնաժամկետը կարող է հետագայում էլ երկարաձգվել, նա ոչ հավաստի է անվանել:
Եվրոպական հանձնաժողովի ներկայացուցչի կարծիքով՝ անհրաժեշտ է նախապատրաստվել Եվրամիության գագաթաժողովին, որը տեղի կունենա Բրյուսելում դեկտեմբերի 14-ին եւ 15-ին եւ պետք է Brexit-ի հարցով բանակցությունների երկրորդ փուլի համար հավանություն տա:
Համընդհանուր պայմանագրի մշակումը, որը պետք է լուծի ԵՄ եւ Մեծ Բրիտանիայի միջեւ առկա բոլոր վիճահարույց հարցերը, շարունակվում է 2017 թվականի հունիսից: Այնուամենայնիվ, կան դեռեւս չլուծված մի շարք խնդիրներ, այդ թվում Լոնդոնի կողմից ԵՄ բյուջե վճարումների վերաբերյալ ֆինանսական համաձայնագիրը, Brexit-ի գործընթացից հետո երկու կողմերի քաղաքացիների իրավուքները եւ Հյուսիսային Իռնալդիայի եւ ԵՄ անդամ Իռնադիայի միջեւ սահմանների հարցը:
Նոյեմբերի 24-ին Եվրախորհրդի նախագահ Դոնալդ Տուսկը Մեծ Բրիտանիային տասը օր տվեց, որի ընթացքում նա «պետք է առաջընթաց ցույց տա հիմնական խնդիրների վերաբերյալ», կապված ԵՄ-ից Լոնդոնի առաջիկա դուրս գալու հետ: