ԱՄՆ-ի՝ Երուսաղեմը որպես Իսրայելի մայրաքաղաք ճանաչելու մասին որոշումը կնպաստի խաղաղ գործընթացի արագացմանը: Այդ մասին հայտարարել է ՄԱԿ-ում ԱՄՆ մշտական ներկայացուցիչ Նիկի Հեյլին, հաղորդում է Fox News-ը:
Պատասխանելով աշխարհի ղեկավարների կողմից այս որոշման քննադատության մասին հարցին` նա ասել է, որ «առաջնորդները հասկանում են, որ քաջությունը կարեւոր է ... սա ճիշտ որոշում է եւ Իսրայելը չպետք է բացառություն լինի »
Մեկնաբանելով այն թե, արդյոք Արեւելյան Երուսաղեմը կարող է մնալ Պաղեստինի մայրաքաղաք, Հեյլին ասել է, որ ԱՄՆ-ն «կհարգի այն, ինչ մասին երկու կողմերը կպայմանավորվեն»:
«Ես ուզում եմ, որ ՄԱԿ Անվտանգության խորհուրդը եւ ամբողջ միջազգային հանրությունը հասկանան, որ դուք վախեցնում եք Իսրայելին, դուք չեք օգնում խաղաղ գործընթացին: Մենք ցանկանում ենք արդարացի վերաբերվել Իսրայելին եւ Պաղեստինին», - ընդգծել է ՄԱԿ-ում ԱՄՆ մշտական ներկայացուցիչը: