Ավստրիայում երկրի պատմության մեջ առաջին անգամ դատարանի առջեւ նախկին նախարար է կանգնել, որն իր նախարարության գործունեության ընթացքում կոռուպցիայի մեջ է մեղադրվում: Երեքշաբթի՝ դեկտեմբերի 12-ին, սկսվել է դատավարություն, որի դերակատարներն են ֆինանսների նախկին նախարար Կարլ Հայնց Գրասերը եւ 14 այլ մեղադրյալներ, հաղորդում է DW-ն:
Դատախազությունը պնդում է, որ 48-ամյա Գրասերը 2004-ին մոտ 60,000 պետական բնակարանների վաճառքի ժամանակ մասնավոր ներդրողին կարեւոր խորհուրդ է տվել վաճառքի գնի բարձրացման վերաբերյալ, որպեսզի առաջ անցնի մրցույթի մյուս մասնակցից: Մեղադրյալը, ըստ հետաքննության, գործարքից իր բաժինն է ունեցել 9.6 միլիոն եվրո չափով (961 միլիոն եվրո ընդհանուր գործարքի գումարի մեկ տոկոսը):
Գրասերը 2000-2007 թվականներին ֆինանսների նախարար է աշխատել: