Ֆրանսիայի նախագահ Էմանուել Մակրոնն իր ծննդյան օրը շաբաթ նշում է թագավոր Ֆրանցիսկ I-ի նշանավոր ամրոցում, եւ այս ընտրությունը կարող է միայն ուժեղացնել իր՝ որպես «հարուստների նախագահի» ընկալումը:
Այս մասին հաղորդում է France 24- ը:
Մակրոնը, որը հինգշաբթի 40 տարեկան է դարձել, հանգստյան օրերը անցկացնում է իր կնոջ՝ Բրիջիտի եւ հարազատների հետ, Ֆրանսիայի Լուարայի հովտում գտնվող Շամբոր ամրոցում:
Ֆրանսիական լրատվամիջոցները հաղորդել են, որ Մակրոնը եւ նրա ընտանիքը գտնվում են ամրոցի հսկայական տարածքում տեղակայված քոթեջներից մեկում, այնտեղ էլ տեղի կունենա տոնական երեկույթը:
Ելիսեյան պալատից հաղորդել է, որ Մակրոնը եւ նրա կինը անձնական միջոցներ են օգտագործում իրենց հանգստի համար:
