Սիրիայում ահաբեկչության դեմ պայքարը չի սահմանափակվում «Իսլամական պետության» ոչնչացմամբ. այն կավարտվի, երբ կվերացվի վերջին ահաբեկիչը՝ առանց խմբավորման անվանումը հաշվի առնելու: Այս մասին լրագրողներին հայտարարել է Սիրիայի նախագահ Բաշար Ասադը, փոխանցում է «ՌԻԱ Նովոստի»-ն:
«Ահաբեկչությունը միայն «ԻՊ»-ով չի սահմանափակվուն: «Իսլամական պետությունը» ահաբեկչության միայն մի մասն է: Եվ մինչեւ կան «Իսլամական պետություն», «Ջեբհաթ ան Նուսրա» եւ այլ անվանումներ կրող ահաբեկչական կազմակերպություններ, նշանակում է, որ մենք դեռ պատերազմում ենք: Այնպես որ, Սիրիայում ահաբեկչության դեմ պատերազմը կավարտվի, երբ երկրում կվոչնչացվի վերջին ահաբեկիչը՝ առանց խմբավորման անվանումը հաշվի առնելու: Այդ ժամանակ միայն կարելի է խոսել հաղթանակի մասին»,- հայտարարել է Ասադը:
