Սիրիայում ահաբեկչությունը Արեւմուտքի աջակցության շնորհիվ է գոյատեւում, գլխավոր խնդիրը «Ջհեբհաթ ան Նուսրան» է։ Այս մասին հայտարարել է Սիրիայի նախագահ Բաշար Ասադը, հաղորդում է «ՌԻԱ Նովոստի»-ն։
«Բայց մենք պետք է հասկանանք, որ երբ կենտրոնացնում ենք ուշադրությունը միայն ԻՊ-ի վրա, ապա փորձ է արվում ուշադրությունը շեղել այն փաստից, որ Արեւմուտքի աջակցությամբ ահաբեկչությունը շարունակում է գոյություն ունենալ: Այստեղ ահաբեկչական կազմակերպություններից գլխավորը «Ջեբաթ ան Նուսրան» է: Այնպես որ, միայն ԻՊ-ով ահաբեկչությունը չի սահմանափակվում: ԻՊ-ին ահաբեկչության մի մասն է միայն: Եվ քանի դեռ ԻՊ, «Ջեբհաթ ան Նուսրա» եւ այլ անուններ կրող ահաբեկչական կազմակերպություններ կան, դա նշանակում է, որ մենք դեռ պատերազմի մեջ ենք: Այնպես որ, Սիրիայում ահաբեկչության դեմ պայքարը կավարտվի, երբ Սիրիայում վերջին ահաբեկիչը անհետ կվերացվի: Այն ժամանակ կարելի կլինի խոսել իրական հաղթանակի մասին »,-հայտնել է Ասադը լրագրողներին:
