2018 թվականի հունվարի 22-26-ը Ստրասբուրգում ձմեռային նստաշրջանի ժամանակ Եվրոպայի խորհրդի Խորհրդարանական վեհաժողովը կընտրի նոր նախագահ, մարդու իրավունքների հարցերով նոր հանձնակատար եւ Մարդու իրավունքների եվրոպական դատարանի նոր դատավոր Իսպանիայից։
Նստաշրջանը կբացեն Նորին Մեծություն Դանիայի թագուհին, Դանիայի արտաքին գործերի նախարարը, ինչպես նաեւ ելույթով հանդես կգան Հայաստանի նախագահը, Դանիայի գահաժառանգ արքայադուստրը, Դանիայի վարչապետը եւ Ավստրիայի նախագահը։
Օրակարգում ընդգրկված հարցերն են՝ Մոնիտորինգի հանձնաժողովի զեկույցը Բոսնիա եւ Հերցեգովինայի շուրջ, ինչպես նաեւ Էստոնիայի, Հունաստանի, Հունգարիայի, Իռլանդիայի շուրջ պարբերական զեկույցները, Ուկրաինայի պատերազմի հումանիտար հետեւանքները եւ տարածաշրջանային ու փոքրամասնությունների լեզուների պաշտպանությունը։
Քննարկման օրակարգ են ընդգրկվել ևս երեք հարցեր իսրայելա-պաղեստինյան խաղաղ կարգավորման գործընթացի, Եվրոպայում հակասեմիթիզմի, քսենոֆոբիայի եւ իսլամոֆոբայի աճի վերաբերյալ։
Մարդու իրավունքների հանձնակատարը բացման նիստում կներկայացնի 2017 թվականի տարեկան զեկույցը։
