Նախատոնական օրերին թարմացվել է Ucom-ի շարժական հեռուստատեսության «MediaRoom» հավելվածը:
Մասնավորապես հավելվածի թարմացման արդյունքում օգտատերերն առաջին հերթին կնկատեն հավելվածի նոր տեսքը՝ վերափոխված պատկերակներն ու էջերը:
Նորացման արդյունքում ստեղծվել է օգտատիրոջ գրանցման, նույնականացման եւ գաղտնաբառի վերականգնման հնարավորությունները: Բարելավվել է նվագարկիչը եւ՛ ուղղահայաց, եւ՛ հորիզոնական ռեժիմների համար, ինչպես նաեւ հնարավոր է դարձել այն փոքրացնել ու մեծացնել: Փոփոխությունների արդյունքում հավելվածը թույլ է տալիս նախադիտել վիդեոհոսքը փոքրացված ռեժիմում: Վերափոխվել ու բարելավվել է ձախ մենյուն, ինչպես նաեւ նույնականացման գործընթացը Universal եւ U!TV- ի բաժանորդների համար: Շտկվել է հաղորդումների ցանկի ներկայացման ձեւն ու ուղղվել են մի շարք փոքր սխալներ:
«Մի քանի օր առաջ հայտնեցինք «Ucom» եւ «U!Pay» հավելվածների թարմացման մասին։ Ուրախ ենք, որ «MediaRoom»-ի օգտատերերը նույնպես կօգտվեն նոր հնարավորություններով ու բարելավված հավելվածից։ Որպես բաժանորդամետ ընկերություն Ucom-ը վստահեցնում է, որ այս գործընթացն, անշուշտ, շարունակական է», - նշեց Ucom ընկերության գլխավոր տնօրեն Հայկ Եսայանը։
Հիշեցնենք, որ հավելվածը հնարավոր է ներբեռնել App Store-ից հղումով ու Google Play-ից հղումով:
