Ուկրաինայի արդարադատության բարձրագույն խորհուրդը կարգապահական վարույթ են հարուցել դատավոր Սարիսա Ցոկոլի դեմ, ով ավելի վաղ հրաժարվել էր կալանավորել Վրաստանի նախկին նախագահ, Օդեսայի նախկին նահանգապետ Միխայիլ Սաակաշվիլիին: Այս մասին հաղորդում է «Ուկրաինսկան պրավդա»-ն:
Որոշումն ընդունվել է դեկտեմբերի 22-ին, «քաղաքացի Պիկալովի» բողոքի քննությունից հետո:
Պարբերականի փոխանցմամբ, «քաղաքացի Պիկալովը պնդում է, որ Ցոկոլի վարքագիծը ոչ իրավաչափ է եղել, երբ նա քննել է իր բողոքը Կիեւի ոստիկանության Պեչերսկի վարչության անգործության վերաբերյալ»:
Խորհրդի մամուլի ծառայությունից հայտնել են, որ դատավորի նկատմամբ վարույթը որեւէ կերպ կապ չունի Միխայիլ Սաակաշվիլիին կալանավորելուց հրաժարվելու հետ. «Խնդրում ենք լրատվամիջոցներին ձեռնպահ մնալ կարգապահական պալատի գործողություններում քաղաքական ենթատեքստ տեսնելու փորձերից»,-ասված է դատական մարմնի Facebook-ի էջում տարածված հաղորդագրության մեջ:
Հիշեցնենք, որ Ուկրաինայի գլխավոր դատախազությունը խնդրել է Միխայիլ Սաակաշվիլիին երկու ամսով տնային կալանքի ենթարկել, սակայն Կիեւի Պեչերսկի շրջանային դատարանը հրաժարվել է հավարարել դատախազության միջնորդությունը:
