Անցնող տարին հայ արտադրողների համար դրական տարի էր։ Այս մասին դեկտեմբերի 25-ին՝ լրագրողների հետ հանդիպման ժամանակ հայտարարել է Հայրենական ապրանքարտադրողների միության նախագահ Վազգեն Սաֆարյանը։
Փորձագետը նշել է, որ մակրոտնտեսական ցուցանիշների տեսանկյունից Հայաստանի արդյունաբերությունը 2017 թվականի 10 ամսիսների ընթացքում գրանցել է 12.4 տոկոս աճ: «Սա լավ արդյունք է, ֆինանսական տեսանկյունից մոտ 1 տրիլիոն 138 միլիարդ դրամ», - ասել է Սաֆարյանը` ավելացնելով, որ տարեվերջին այդ ցուցանիշը կգերազանցի 1,5 տրիլիոն դրամը, ինչը կլինի մեծ եւ աննախադեպ նվաճում:
Միեւնույն ժամանակ, հասարակական կազմակերպության ղեկավարի խոսքով՝ սննդամթերքի արտադրության աճը 10 ամիսների ընթացքում կազմել է 23տոկոս՝ 407 մլրդ դրամ, իսկ այս ճյուղը տնտեսության մեջ նշանակալի տեղ է զբաղեցնում: Իսկ հանքարդյունաբերության արտահանումը կազմել է 540 մլրդ դրամ: Այստեղ աճը կազմել է 39,8 տոկոս: Հայաստանից ընդհանուր արտահանումն արդեն հասել է 1 միլիարդ 745 միլիոն դոլարի, ինչը 20 տոկոսով ավելի է անցյած տարվա ցուցանիշի համեմատ»,-եզրափակել է Վազգեն Սաֆարյանը: