Իրանի ազգային գերագույն խորհրդի քարտուղար Ալի Շամխանին հայտնել է , որ Իրանում բողոքի ցույցերը անցնում են «միջնորդավորված պատերազմի» շրջանակում, որը Թեհրանի դեմ վարում են մի քանի երկրներ, հայտնում է Tasnim-ը։
Նրա խոսքով՝ բողոքի ցույցերը հովանավորում են ԱՄՆ-ն, Մեծ Բրիտանիան ու Սաուդյան Արաբիան՝ հենց այդ երկրներն են ղեկավարում սոցցանցերի արշավները , որոնք ազդում են բողոքի ակցիաների անցկացման վրա։
«Մեր վերլուծության հիման վրա ՝ Իրանի դեմ նոր հեշթեգները 27 տոկոսը սաուդյան հովանավությամբ է մշակված»,- ասել է Շամխանին։ Սա օտարերկրյա միջամտություն է, համարում է նա, որն ուղղված է Իրանի առաջխաղացմանը խանգարելուն։Բողոքի ցույցերը, նրա կարծիքով, մի քանի օրից կավարտվեն։
Դեկտեմբերի 28-ից զանգվածային բողոքի ցույցեր են սկսվել Իրանի խոշոր քաղաքներում՝ Թեհրանում, Մեշհեդում, Սպահանում ու այլ քաղաքներում ։ Նախագահ Հասան Ռոհանիի խոսքով՝ դրանց պատճառը ներքին խնդիրներ են, նաեւ արտաքին միջամտությունները։ Իրանական լրատվամիջոցների տվյալներով՝ բախումների հետեւանքով 12 մարդ է զոհվել։