HBO հեռուստաալիքը հայտնել է, թե «Գահերի խաղը» հայտնի հեռուստասերիալի վերջին սեզոնի ցուցադրումը նախատեսված է 2019 թվականին, հաղորդում է Կոմերսանտը։
Հեռուստաալիքի հաղորդագրության մեջ հստակեցվում է, որ վրջին սեզոնում վեց սերիա կլինի։ Ռեժիսորներն են Դեվիդ Բենիոֆը, Դեն Ուայսը, Դեվիդ Նաթթերը եւ Միգել Սապոնչիկը։
«Գահերի խաղը» եթեր է հեռարձակվել 2011 թվականից եւ աննախադեպ դիտողականություն ապահովել։ 2016 թվականին սերիալը Emmy մրցանակաբաշխության հիմնական հաղթողներից էր, իսկ 7-րդ սեզոնի վերջին սերիան դիտել է 16,5 մլն հանդիսական։
