Ջակարտայի միջազգային օդանավակայան ժամանած ինքնաթիռի սրահում նորածնի դի է հայտնաբերվել: Ոստիկանությունը ձերբակալել է երեխայի 37-ամյա մորը, հաղորդում է AFP-ն:
Ոստիկանության տվյալներով՝ կինը տեղափոխվել է հիվանդանոց: Հաղորդվում է, որ նա ծննդաբերել է Աբու Դաբի-Ջակարտա չվերթի ժամանակ: Թռիչքից 4 ժամ անց կնոջ մոտ արյունահոսություն է սկսվել, ինչի պատճառով ինքնաթիռն արտակարգ վայրէջք է կատարել Բանգկոկի օդանավակայանում: Այնտեղ կնոջը բժշկական օգնություն է ցուցաբերվել: Երբ ինքնաթիռը՝ արդեն առանց կնոջ, ժամանել է Ջակարտա, օդանավի զուգարանում հայտնաբերվել է նորածնի դին:
Երեխայի մահվան պատճառը դեռ չի պարզվել: Կինը Ջակարտա է ժամանել հաջորդ չվերթով: Նա ձերբակալվել է, սակայն դեռ չի հարցաքննվել, քանի որ չի կարողանում ցուցմունք տալ: