Ֆրանսիայում օդանավակայանի անվտանգության ծառայության չորս մուսուլման աշխատակիցները դատի են տվել նախկին գործատուին: Նրանք պնդում են, որ կրոնի եւ արտաքին տեսքի վրա հիմնված խտրականության զոհ են դարձել: 2015 թվականի Փարիզի ահաբեկչական հարձակումներից կարճ ժամանակ անց նրանց երկար մորուքների պատճառով հեռացրել էին, հաղորդում է AP-ն:
Սպասվում է, որ աշխատանքի հարցերով դատարանը որոշում կկայացնի՝ արդյոք աշխատակիցները ահաբեկչության մտավախության ֆոնին մորուքը կտրելու հրամանից հրաժարվելու համար անարդարացի են ազատվել:
4 տղամարդիկ ցանկանում են Securitas ընկերությունից յուրաքանչյուրի համար 53 000 եվրոյի փոխհատուցում ստանալ:
Securitas-ը հերքում է խտրականության մեղադրանքը՝ հայտարարելով, որ նրանց անվտանգության առաքելությունից ելնելով «լիովոին օրինական է» աշխատակիցներից «կարճ կտրված մորուք» պահանջելը: