Ավստրալացի լուսանկարիչ Քրեյգ Փերին Բայրոն Բեյ քաղաքի մոտ ջրասուզման ժամանակ հանդիպել է անսովոր ծովային արարածի` կրիայի, որի պատյանը ամբողջությամբ ջրիմուռներով էր ծածկված՝ խավոտ վերմակի նման:
«Խավոտ» պատյանից բացի՝ կրիայի գլխին եւ թաթերին խխունջներ եւ ծովային մոլախոտի կտորներ էին կպչել, գրում է «Իմ մոլորակը»՝ վկայակոչելով Daily Mail-ը:
Փորձագետների կարծիքով՝ կրիաների վրա հաճախ են քիչ քանակությամբ ջրիմուռներ աճում եւ դրանք վնասակար չեն, սակայն հայտնի չէ, թե ինչպես կարող է ազդել կենդանու առողջության վրա ջրիմուռային այդքան մեծ ծածկույթը:
Տեսածի մասին լուսանկարիչը տեղեկացրել է տեղացի կենդանաբաններին, սակայն նրանց դեռ չի հաջողվել գտնել կենդանուն:
