News
Լրահոս
News
Չորեքշաբթի
Նոյեմբեր 21
Տեսնել լրահոսը

Հայաստանի Հանրապետության տրանսպորտի, կապի եւ տեղեկատվական տեխնոլոգիաների նախարարությունը խախտել է աջակողմյան ղեկով ավտոմեքենաների ներմուծման արգելքի վերաբերյալ նախաձեռնությանը դեմ հանդես եկողների հետ ձեռք բերված պայմանավորվածությունները:

Հիշեցնենք, որ ապրիլի 1-ից Հայաստանում աջակողմյան ղեկով ավտոմեքենաների ներմուծումը եւ գրանցումը կարգելվի: Նախնական նախագծի որոշման մեջ նախատեսվում էր արգելել նաեւ աջակողմյան ղեկով ավտոմեքենաների վերագրանցումը՝ այդպիսով զրկելով ՀՀ քաղաքացիներին դրանք վաճառելու հնարավորությունից: Նախաձեռնությունը հանրային մեծ դժգոհություն առաջացրեց:

Ինչպես նշեցին ՀՀ կառավարության շենքի առջեւ անցկացվող բողոքի ակցիայի մասնակիցները, նախորդ բողոքի ակցիայի ժամանակ, որը համընկել էր տրանսպորտի նախարարության՝ վերագրանցման վերաբերյալ կասկածելի դրույթից հրաժարվելու որոշման հետ, նախարարության ներկայացուցիչը ցուցարարներին խոստացել էր, որ հունվարի 12-ին նրանք կարող են փոխանցել իրենց առաջարկներն ու շարունակել քննարկումները: Սակայն, խախտելով պայմանավորվածությունը, նախարարությունը վերջին րոպեին որոշման նախագիծը ներառել է կառավարության հունվարի 11-ի նիստի օրակարգում, եւ այն ընդունվել է: Երեկ նախարար Վահան Մարտիրոսյանը որոշ նոր տվյալներ էր ներկայացրել աջակողմյան ղեկով ավտոմեքենաների թվաքանակի մասին` վկայակոչելով ապահովագրական ընկերությունների տվյալները: Ակցիայի մասնակիցները գտնում են, որ ներկայացված թվերը հատուկ «նկարված» են. «Օրինակ են վերցրել Տիգրան Մուկուչյանից (ՀՀ Կենտրոնական ընտրական հանձնաժողովի ղեկավար) եւ մի գիշերում վիճակագրություն են նկարել»:

Բողոքի ակցիայի մասնակիցների մոտ դուրս եկած իշխանական ապարատի ներկայացուցիչը հավաստիացրեց, որ որոշման մեջ փոփոխություններ չեն լինի: Հարցին, թե ինչու է որոշման նախագիծը, խախտելով պայմանավորվածությունը, ընդգրկվել օրակարգում, պարոն Ղազարյանը նշեց, որ դա տրանսպորտի նախարարի լիազորությունների շրջանակներում է:

«Մենք ի սկզբանե ասել ենք, որ վերագրանցման արգելքի մասին դրույթի վերացումը փոխզիջում չի համարվի, քանի որ այդ կետը հակասահմանադրական էր: Մեզ վստահեցրել են, որ պատրաստ են լսել մեր առաջարկներն ու քննարկել: Մենք համաձայնեցինք հանդիպել հունվարի 12-ին եւ ներկայացնել առաջարկները: Սակայն փոխարենը պայմանավորվածությունը խախտվեց եւ որոշում կայացվեց»,- նշեցին ակտիվիստները:

Բողոքի ակցիայի մասնակիցների կարծիքով՝ ԶԼՄ-ում խնդիրը չափազանց վատ էր լուսաբանվում, եւ այստեղ նրանք եւս իշխանության մասնակցությունն են տեսնում: Աջակողմյան ղեկով ավտոմեքենաների կողմնակիցների հետագա գործողությունները կախված կլինեն կառավարությունից:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Toyota Prius-ի վրա 6 վոլտանոց գնդացիր են տեղադրել
Ապամոնտաժվել են հետեւի նստատեղերը եւ սրահում գնդացիրի համար կոշտ խողովակավոր կարկաս են տեղադրել...
Nissan-ի ղեկավար Կառլոս Գոնին մինչեւ 10 տարվա բանտարկություն է սպառնում
Նա նաեւ տվել է դատախազության հետ լիակատար համագործակցության երաշխիքներ…
Nissan-ը աշխատանքից ազատել է ֆինանսական խարդախությունների մեջ կասկածվող թոփ-մենեջերներին
Նա ափսոսանք է հայտնել, որ ընկերությունը չի արդարացրել իր բաժնետերերի վստահությունը․․․
Տոկիոյի դատախազությունը Nissan–ի ղեկավարից հետո կալանավորել է ընկերության տնօրենների խորհրդի անդամին. լրատվամիջոց
Գոնին մեղադրում են, մասնավորապես, սեփական վճարումների միտումնավոր նվազեցման մեջ հարկերի վճարումից խուսափելու համար...
Hyundai Santa Fe-ի երկարությունը հասցրել են հինգ մետրի
Սակայն սրահում ամենահետաքրքիրը վարորդի նույնականացումն է․․․
Honda-ն նոր քրոսովեր է ցուցադրել
Ավտոմեքենայի շնորհանդեսը կկայանա նոյեմբերի 28-ին Լոս Անջելեսի ավտոսրահում․․․
Partner news