Ստամբուլի Սուրբ Անտուան եկեղեցում Պոլսո հայոց պատրիարք Մեսրոպ արքեպիսկոպոս Մութաֆյանի պատվին համերգ է տեղի ունենալու։
Ինչպես տեղեկացնում է Ստամբուլի հայկական «Ակոս»–ը, ստամբուլահայ հայտնի սոպրանու Կարին Չուբուքչյանը եւ երգեհոնահար Աննա Գեւորգյանը պատրաստվում են Պոլսո հայոց պատրիարքարանի հովանավորությամբ հունվարի 20–ին կազմակերպվող համերգին Ստամբուլի Բեյօղլուի շրջանի Սուրբ Անտուան եկեղեցում։
Նշվում է, որ պատրիարք Մեսրոպ Մութաֆյանը կարեւոր դեր է կատարել Կարին Չուբուքչյանի մասնագիտական զարգացման հարցում եւ այս համերգը որպես շնորհակալություն է պատրիարքին։
Նշենք, որ Պոլսո հայոց պատրիարք, արք. Մեսրոպ Մութաֆյանը անբուժելի հիվանդությամբ է տառապում եւ ներկայում պատրիարքի պարտականություններն իրականացնում է պատրիարքի տեղապահ արք. Գարեգին Բեքչյանը։