Նախագահ Սերժ Սարգսյանն այսօր՝ հունվարի 16-ին, ցավակցական հեռագիր է հղել Իրանի Իսլամական Հանրապետության նախագահ Հասան Ռոհանիին՝ Չինաստանի արեւելյան ափերի մերձակայքում իրանական «Սանչի» նավթատարի hրդեհվելու ու խորտակման կապակցությամբ, ինչի հետեւանքով զոհվել են նավի անձնակազմի տասնյակ աշխատակիցներ: Այս մասին NEWS.am-ը տեղեկանում է ՀՀ նախագահի աշխատակազմի հասարակայնության եւ տեղեկատվության միջոցների հետ կապերի վարչությունից:
Հանրապետության Նախագահը խորին ցավակցություն եւ զորակցություն է հայտնել նախագահ Ռոհանիին եւ Իրանի բարեկամ ժողովրդին, իսկ զոհվածների հարազատներին ու մերձավորներին մաղթել համբերություն, ուժ եւ կորով՝ հաղթահարելու համար այդ ողբերգությունը: