Լոնդոնի կենդանաբանական այգու աշխատակիցներն օկապիի կամ անտառային ընձուղտի ձագուկին կոչել են ամերիկացի դերասանուհի Մեգան Մարքլի անունով, որի հետ նշանադրության մասին ավելի վաղ հայտարարել էր Մեծ Բրիտանիայի արքայազն Հարին: Այս մասին հայտնում է կենդանաբանական այգու կայքը, փոխանցում է «ՏԱՍՍ»-ը:
Մեգան անունը, ինչպես նշվում է կայքում, հատկապես հարմար է նորածին կենդանու համար, քանի որ երկկճղակավորների այս տեսակը 1901 թվականին պատահաբար էր հայտնաբերվել մեկ այլ Հարիի՝ ճանապարհորդ Հարի Ջոնսթոնի կողմից: «Ծնունդը միշտ տոն է, սակայն Մեգանի լույս աշխարհ գալը եւս հիանալի առիթ է օկապիների վրա ուշադրություն հրավիրելու համար, քանի որ այս կենդանիներն անհետացման վտանգի տակ են»,- նշել է կենդանաբանական այգու աշխատակից Ջեմա Մետքալֆը: