ԱՄՆ ռազմածովային ուժերի USS Little Rock նավը, որը շահագործման է հանձնվել 2017 թվականի դեկտեմբերին, չի կարողացել հասնել Ֆլորիդայի նավահանգիստ ռեկորդային սառնամանիքների պատճառով, հաղորդում է «ՌԻԱ Նովոստի»-ն՝ վկայակոչելով Business Insider-ը:
Նավը դուրս է եկել Բաֆալո նավահանգիստից դեկտեմբերի 20-ին: Պլանի համաձայն՝ նավը ստիպված էր կարճ ժամանակով կանգ առնել Մոնրեալում, ուր նա հասել էր մեկ շաբաթվա ընթացքում եւ ուղեւորվել Հալիֆաքս: Սակայն, ճանապարհը շարունակել հնարավոր չի եղել՝ Little Rock-ը մնացել է սառույցների մեջ: Բացի այդ, նավահանգիստը բավարար քանակի նավաքարշ չի ունեցել:
ԱՄՆ-ի ռազմածովային ուժերի հասարակայնության հետ կապերի բաժնի ներկայացուցիչ Քորթնի Հիլսոնը հաստատել է, որ նավը կմնա Մոնրեալի նավահանգստում՝ մինչեւ եղանակը բարելավվի։
Freedom դասի USS Little Rock մարտական նավը նախատեսված է ափամերձ ջրերում եւ ծովային մակերեւույթին գործողությունների իրականացման համար:
Ամերիկյան լրատվամիջոցների տվյալներով՝ ԱՄՆ-ի ռազմածովային ուժերը մտադիր են օգտագործել նավը խաղաղօվկիանոսյան օղակի մակերեսային ջրերում:
Նավը կարող է հարվածել ականներին, դանդաղ շարժվող սուզանավերին եւ բարձր արագությամբ ընթացող նավերին: Նավի անձնակազմը բաղկացած է 50 հոգուց (առաքելության իրականացման ժամանակ 75 հոգուց):
