Թուրքիան պետք է անմիջապես դադարեցնի ռազմական գործողությունները սիրիական Աֆրինում: Այս մասին հայտարարել է Իրանի ԱԳՆ ներկայացուցիչ Բահրամ Քասեմին, փոխանցում է «ՌԻԱ Նովոստի»-ն:
«Իրանն ուշադիր հետեւում է սիրիական Աֆրին քաղաքում ընթացող իրադարձություններին եւ հույս ունի, որ օպերացիան անմիջապես կդադարեցվի»,- նշվում է Tasnim գործակալության կողմից հրապարակված հայտարարության մեջ:
«Աֆրինում ճգնաժամի շարունակությունը կարող է հանգեցնել Սիրիայի հյուսիսում գտնվող «Թաքֆիր» արմատական խմբավորման ակտիվացմանը , ինչպես նաեւ պատերազմ եւ ավերածություններ հրահրել այս երկրում», - ավելացրել է նա: